Жаңалықтар

21.06.2017
ТАҒАЙЫНДАУ

«Азаматтарға арналған үкімет» мемлекеттік корпорациясы коммерциялық емес Акционерлік қоғамының Ақтөбе облысы бойынша филиалы «Халыққа қызмет көрсету орталығы» департаменті директоры Р. Ерғалиевтың бұйрығымен № 040502-23/230 Байғанин аудандық бөлім басшысы лауазымына Ерғалиев Азамат Жалғасович тағайындалды.
20.06.2017
Қазыналы қарттармен кездесті

Аудан әкімі Асқар Шериязданов өткен аптада ауыл ақсақалдарымен, ардагерлермен кездесті. Қазыналы қарттарға осы уақытқа дейін атқарылған жұмыстар жайын баяндап, мемлекеттік бағдарламалардың жүзеге асырылу жайын сөз етті. Республикалық ардагерлер кеңесінің 30 жылдығына орай, Елбасының «Болашаққа бағдар: Рухани жаңғыру» мақаласын басшылыққа алып, Асқар Тұрарұлы аудан ақсақалдарына сөзін арнады. Сондайақ, әкім ел басқаруда, қоғамдағы атқарылатын түрлі шаруаларда аға буынға арқа сүйейтінін, олардың ақыл парасаты әлі де жас ұрпақ үшін маңызды екенін алға тартты.
20.06.2017
Шетелге тұрақты тұруға кетуге байланысты БЖЗҚ-дан зейнетақы төлемдерін алу

Бірыңғай жинақтаушы зейнетақы қорының (БЖЗҚ/Қор) ақпараттық арналарына жиі келіп түсетін сұрақтардың бірі – шетелге тұрақты тұруға кетуге байланысты БЖЗҚ-дан зейнетақы төлемдерін алу (ТТК). «Қазақстан Республикасында зейнетақымен қамсыздандыру туралы» ҚР Заңына сәйкес
Қазақстаннан тыс жерлерге тұрақты тұруға кеткен, кету фактiсiн растайтын құжаттарды ұсынған, Бірыңғай жинақтаушы зейнетақы қорында зейнетақы жинақтары бар шетелдiктер мен азаматтығы жоқ адамдардың зейнетақы төлемдерiн алуға құқығы бар.
19.06.2017
Аудан әкімі шалғайдағы ауылдарда болды

Өткен аптада аудан әкімі Асқар Шериязданов Миялы және Жаңажол ауылдық округтерінде жұмыс сапарымен болды. Шалғайдағы ауылдардың негізгі кәсібіне айналған мал шаруашылығымен, сондай-ақ бақша егу жұмыстарымен танысты. Мал бағуды бейнет емес, береке деп білетін ауылдағы ағайын мал басын көбейтіп, тұқымын асылдандырып, өнімін өндірмекке жұмыстанып жатыр. Сондай-ақ, табиғи су көздерін пайдаланып, бақша дақылдарын да еккен. Аудан басшысы алдымен Миялы селолық округіне қарасты Бесбай қыстағындағы «Тереңқұдық», «Кепіл» шаруа қожалықтарында болды. Миялылық шаруа Нұрлан Әбжанов мал бордақылау алаңын құруды жоспарлап отыр.
19.06.2017
Зейнетақы жинақтарының сақталуына мемлекет тарапынан кепілдік берілген

Қазақстанда зейнетақы жинақтарының сақталуын қамтамасыз ету бойынша бірегей мемлекеттік кепілдік моделі жұмыс істейді. Осы моделге сәйкес «Қазақстан Республикасында зейнетақымен қамсыздандыру туралы» ҚР Заңының 5-бабы негізінде зейнетақы төлемдерін алу құқығы туындаған шақта инфляция деңгейін ескере отырып, нақты енгізілген міндетті зейнетақы жарналары (МЗЖ) мен міндетті кәсіптік зейнетақы жарналарының (МКЗЖ) жеке зейнетақы шотында жатқан зейнетақы жинақтарының сомасы арасындағы айырма төлемі есептеледі.
16.06.2017
Сыбайлас жемқорлық – қоғам дерті

Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны анық. Сыбайлас жемқорлық әлеуметтік – экономикалық даму, нарықтық экономиканы құру инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс. Елбасының «Қазақстан халқының әл-ауқатын арттыру – мемлекеттік саясаттың басты мақсаты» атты өзінің Қазақстан халқына Жолдауында «демократиялық қоғам жағдайында қылмыс пен сыбайлас жемқорлыққа қарсы күрес ерекше мәнге ие болады» деп атап көрсетті. Яғни бұл мемлекеттің осы жағымсыз құбылысты жою бағытындағы кешенді және жүйелі күрес жүргізу саясаты жанданып, әрі қарай жалғасын табады деген сөз.
16.06.2017
2017 жылғы 1 мамырдағы БЖЗҚ негізгі көрсеткіштеріне қысқаша шолу

2017 жылғы 1 мамырдағы жағдай бойынша зейнетақы жинақтарының жалпы сомасы 6,93 трлн. теңге болды және өткен жылмен салыстырғанда (2017 жылдың 1 қаңтарындағы жағдай бойынша зейнетақы жинақтарының сомасы 6,69 трлн теңге болған) 240 млрд теңгеге өсті.
15.06.2017
Ақтөбе облысының перзентханаларында баланың тууы бойынша қызметтер көрсетіліп келеді

Азаматтарға арналған үкімет» МК» жұмыскерлері перзентханаларда құжаттарды қабылдауды жалғастырып жатыр. Жас босанған әйел бір мезгілде баланың туу туралы куәлігін ресімдеп, баланың туылуына, бала күтіміне, жүктілікке және босануына байланысты кірістен айырылған жағдайда, әлеуметтік төлемдер, жәрдемақы тағайындау үшін, сонымен қатар баланы бала-бақшаға орналастыру үшін өтініш жаза алады. Қызметті композиттік түрде көрсету бұл – перзентханада бір мезетте 4 қызмет түріне өтініш қабылдау болып табылады.
12.06.2017
Жазғы лагерь жұмысын бастады

Жаз айлары – мектеп оқушылары үшін ерекше ықыласпен күтілетін уақыт. Жыл бойы сабақ барысындағы тоқсан арасындағы берілетін күндер демалыс болып есептелгенімен, жаз кезіндедегідей демалыстың мол мүмкіндігін бере алмайды. Жазғы демалыс – мектеп оқушыларының жалпы физиологиялық, сана – сезімдік, дүниетанымдық тұрғыда даму, жетілу кезеңі. Бастауыш және орта буын сыныптарының балалары үшін бұл уақыт дүниетаным аясы кеңитін, көзқарас қалыптасып, үйренуге ықыласы артатын жылдың тамаша мезгілі. Жаз мезгіліндегі бұл уақыт балалардың негізгі сабақтан, үйреншікті тіршілік қарекетінен босап, өзін қызығушылығымен айналысуына мүмкіндік береді.
31.05.2017
30 мамырда аудан әкімдігінің мәжіліс залында Қазақстан Республикасы Президенті жанындағы Мемлекеттік Басқару Академиясының вице-ректоры Ахметов Альтайр Аманкелдіұлымен кездесу өтті.

Аудан әкімдігіне қарасты барлық бөлімдердің мемлекеттік қызметшілері қатысқан жиында Альтайр Аманкелдіұлы академияда білім алудың артықшылықтары мен академияға түсу жолдарын түсіндірді. Одан әрі мансаптық өсу, әлемнің жетекші жоғары оқу орындарында тағылымдамадан өтуі, кәсіби және тұлғалық құзыреттерді арттыру және жоғары білікті профессор-оқытушылар құрамы, жұмыс орнының сақталуы,академия білім алушылары үшін жатақхана мүмкіндіктері бар академияға 1 жылдан 3 жылға дейін оқуға болатындығын айтты.
31.05.2017
Қазақстанның перзентханаларында баланың туылуы бойыншамиллион композиттік қызметтердің төрттен бір бөлігінен астамы көрсетілді

Пилоттық жоба іске қосылған сәттен бастап «Азаматтарға арналған үкімет» мемлекеттік корпорациясы Қазақстанның перзентханалары мен перинаталдық орталықтарында баланың туылуы бойынша 260 мынан аса мемлекеттік қызметтерді көрсеткен. Олардың ішінде шамамен 122 мың қызмет - бала тууды тіркеу бойынша, шамамен 50 мыңы - бала туу және оның күтімі бойынша жәрдемақы тағайындау, 21 мыңнан астамы - әлеуметтік тәуекелдер жағдайларына, атап айтқанда баланың бір жасқа дейінгі күтімі бойынша әлеуметтік төлемдерді тағайындау, сондай-ақ 67 мыңнан астам жаңа туылған нәрестелер балабақшаға кезекке қойылды.
31.05.2017
Қоғамдық қабылдау өткізілді

Аудан бойынша қоғамдық қабылдау, аудан әкімімен 03.04.2017 жылы бекітілген 2017 жылдың ІІ тоқсанына арналған қабылдау кестесіне сәйкес, 27 мамыр 2017 жылы аудан әкімінің, тізімге енгізілген мекемелер мен ұйымдардың қатысуымен аудандық «Нұр Отан» Партиясы ғимаратында өткізілді.
23.05.2017
«БЖЗҚ» АҚ-ның 2016 жылғы және 2017 жылдың 1 ширегіндегі қызметінің қорытындылары

Алматы, Қазақстан – БЖЗҚ-нда 2016 жылғы зейнетақы және өзіндік активтері бойынша қаржылық есептілігіне сыртқы аудит жүргізілді. Тәуелсіз аудиторлық компанияның қорытындысына сәйкес, зейнетақы активтері бойынша қаржылық есептілік қолданыстағы барлық аспекттерде «Зейнетақы активтері бойынша операциялар туралы ақпаратты есепке алу мен ашып көрсету» қаржылық есептілік стандартына сәйкестікті расталған. Бұл зейнетақы актвитерінің сақталуын, олардың есебінің дұрыстығын, зейнетақы активтері инвестицияланған қаржылық құралдардың әділ құнын бағалау дұрыстығын дәлелдейді.
23.05.2017
«БЖЗҚ» АҚ басшылығы жауап береді...

Таяуда, ағымдағы жылдың сәуір айында «БЖЗҚ» АҚ ресми сайтында «Басқарма төрайымының блогы» жаңа сервисі іске қосылды. Енді сол арқылы кез келген ниет білдіруші азамат Қордың бірінші басшысына Қазақстанның жинақтаушы зейнетақы жүйесі мен БЖЗҚ қызметі жайында тікелей сұрақ қоя алады. Сонымен қатар сайт пайдаланушыларына Блог парақшасында ресми жауап қайтарылған сұрақтар мұрағатымен танысуға мүмкіндік берілген. Біздің редакция осы Блогта жарияланған, ең жиі қойылатын 5 сұрақты оқырмандар назарына ұсынуды ұйғарды.
18.05.2017
Сыбайлас жемқорлықпен күрес – ортақ міндет

ҚР президенті Н.Ә. Назарбаевтың бес институционалдық реформаны жүзеге асырудағы «100 нақты қадам» Ұлт жоспарының 13 қадамында сыбайлас жемқорлыққа қарсы күресті күшейту, оның алдын алу және сауықтыру көзделген.
Елбасы Н.Назарбаевтың «Қазақстанның үшінші жанғыруы: жаһандық бәсекеге қабілеттілік атты биылғы жолдауында сыбайлас жемқорлықтың алдын алу, жемқорлыққа қарсы күрес шараларын күшейтуге басымдық берген. Бұл сыбайлас жемқорлықпен қарсы бүкіл қоғам белсене қатысуы керек. Мемлекеттік қызметкерлерге көптеген талаптар қойылып отыр.

Беттер