Жаңалықтар

03.04.2017
Ауданға жаңа әкім тағайындалды

ДҮЙСЕНБІДЕ ОБЛЫС ӘКІМІНІҢ ОРЫНБАСАРЫ МҰХТАР ЖҰМАҒАЗИЕВ ЖҰМЫС БАРЫСЫМЕН АУДАНҒА АРНАЙЫ АТ БАСЫН ТІРЕДІ. ОБЛЫС ӘКІМІ Б.САПАРБАЕВТЫҢ ӨКІМІМЕН БАЙҒАНИН АУДАНЫ ӘКІМІ ҚЫЗМЕТІНЕ ТАҒАЙЫНДАЛҒАН АСҚАР ШЕРИЯЗДАНОВТЫ АУДАН АКТИВІНЕ ТАНЫСТЫРДЫ. ОСЫ УАҚЫТҚА ДЕЙІН АУДАН ӘКІМІ ҚЫЗМЕТІН АТҚАРҒАН МАМЫРҒАЛИ АҚҚАҒАЗОВ ӨЗГЕ ҚЫЗМЕТКЕ АУЫСУЫНА БАЙЛАНЫСТЫ ӘКІМДІК ҚЫЗМЕТІН ТОҚТАТТЫ.
31.03.2017
Білектілердің жеңісі

Жуырда Алматы қаласында гір тасын көтеруден өткен Қазақстан Республикасының біріншілігінде қоссайыстан жасөспірімдер арасында 78 келі салмақ дәрежесінде 178 ұпай нәтижесімен шеберлік көрсеткен жерлесіміз Дияр ауылы Матайқұм орта мектебінің 10 – сынып оқушысы Сұлтан Аққазов І орынды иеленсе, Мейрбек Өтеген ІІІ орынға лайықталды. Дияр ауылындағы «Темірқазық» мектептен тыс аула клубы филиалының «гір» үйірмесінің нұсқаушысы Жанқанат Болат жас спортшылардың алдағы уақытта биік белестерді бағындырып, жаңа жетістіктерімен қуантатынына сеніммен қарайды.
30.03.2017
«РАУАННЫҢ» жеңімпаздары

Баласы шауып шықса ата – анасы тақымын қысар демекші, қуаныштары мен сағыныштарын жасыра алмаған ата – аналар темір жол вокзалы маңын көтеріңкі көңіл күйге бөледі. Бұған қоса Б.Тәжібаев атындағы музыка мектеп басшылығы, барлық қызметкерлер, мектеп мұғалімдері сол маңды ән – күймен тербетті. Шашу шашылып, жақсы тілектер айтылған бұл күннің себебі Алматы қаласынан келе жатқан жеңімпаздарды күтіп алу болатын. Тарқатып айтып көрсек...
29.03.2017
Балғын бишілер жүлдемен оралды

Біз татулықты қалаймыз!», «Болашағымыз бірлікте!» Осындай ұранмен Ақтөбе қаласында халықаралық «Бейбітшілік әлемі!» қазақ творчествалық бірлестігі жасөспірімдер шығармашылығы байқауын өткізген болатын. Өнерпаздарды өнер арқылы татулыққа, ауызбіршілікке, елжандылыққа тәрбиелеу, халықтар арасындағы достық пен ынтымақтастықты нығайту максатында ұйымдастырылған. Бала - болашағымыз, балаларды жарқыратып көрсету ұстаздардың қолында деген ұстаныммен жұмыс жасайтын Салтанат Самарқанқызы №3 Қарауылкелді орта мектебінің оқушыларын байқауға апарып бақтарын сынап келді. Байқау жас ерекшеліктері бойынша және би, ән, драма,вокал, көркем сөз жанрларына бөлінді. «Мәңгілік ел Қазақстан!» деп аталатын би бөлімінде кішкентай бүлдіршіндеріміз «№3 ҚОМ бишілер ансамблі» «Смуглянка» биін билеп, Бас жүлдені қанжығаларына байлап қайтқан болатын. - Халқымыздың батыр қыздары Әлия мен Мәншүктің ерлігін сомдау мақсатында жұмыс жасадық. Байқауға қатысушы бүлдіршіндеріміздің жұдырықтай жүректерінде жеңіске деген талпыныс болды.
28.03.2017
Еліміздің өңірлері мен Ресейде ЭКСПО-2017 билет кассалары ашылды

Наурыз айынан бастап еліміздің өңірлері мен Ресей Федерациясының ірі қалаларында билет кассаларында ЭКСПО-2017 халықаралық мамандандырылған көрмесіне билеттер сатыла бастады. 2016 жылдың желтоқсан айында «Керуен», «Хан Шатыр», «MEGA Park», «MEGA Центр Алматы» ойын-сауық орталықтарында жәнеодан ертерек 15 «Меломан» сауда желісінде, сондай-ақ, «Қазпошта» АҚ 981 бөлімшесіндересми түрде билет сатылуы басталды. Ал ағымдағы жылдың наурыз айынан бастап Қазақстанның барлық облыс орталықтарында 17ресми билет сату кассалары ашылды. Айта кетерлігі, Көрменің ашылуына тура біл жыл қалғанда - 2016 жылдың 10 маусымынан бастап билеттердің онлайн-сатылымы басталған болатын.
27.03.2017
Ұлтжанды ұрпақ тәрбиелеу қажет

Жыл сайын Елбасымыз Н. Ә. Назарбаевтың халыққа Жолдауы жолданып келеді. Президент Жолдауындағы негізгі бес басымдық – экономиканың жеңілдетілген технологиялық жаңғыртылуы, бизнес - ортаны түбегейлі жақсарту және кеңейту, адами капитал сапасын жақсарту, қауіпсіздікке және сыбайлас жемқорлықпен күреске қатысты басты межелер еліміздің жаңаша дамуына жол ашары анық. Жаңаша дамудың бұл бағыттары қазақстандық экономика қарқынының өсуін орташа әлемдік деңгейден жоғарылатып, Қазақстанның жетекші 30 елдің қатарына кіруге тұрақты ілгерілеуін қамтамасыз етуі тиіс. Елбасы айтқандай, Қазақстан – жас, көп ұлтты, болашағына сенімді және қарқынды дамып келе жатқан мемлекет. Біз тәуелсіз Қазақстанның 25 жылдық даму жолынан өттік.Енді алға қадам басып, үшінші жаңғыруды бастауға тиіспіз. Ол үшін бәріміз бірігіп, небір қиын - қыстау кезеңдерге елімізді күйреуге, экономикалық күйзеліске ұшыратпаған Елбасына тағы да сенім артып, жаңа стратегиясын қолдауымыз қажет.
24.03.2017
«Skyway» компаниясы «ЭКСПО - 2017» көрмесіне шақырады

Жуырда «Skyway» компаниясының менеджері Перизат Жеткергенқызы ауданға келіп, бірқатар мекеме басшыларымен және қызметкерлерімен кездесу өткізді. Кездесудің басты мақсаты маусым және қыркүйек айлары аралығында өтетін «ЭКСПО - 2017» көрмесі турасында толық түсіндіріп, оның маңызы мен мақсаты қандай, оған жұмсалатын қаражат өтеле ме деген сұрақтарға жауап беру. «ЭКСПО2017» көрмесі – Тәуелсіз Қазақстанның ең көлемді жобасы. Астана Халықаралық көрмелер бюросына мүше 161 мемлекет өкілдерінің құпия дауысқа салу барысында Халықаралық көрме бюросының (ХКБ) 152 Бас ассамблеясы кезінде 2012 жылғы 22 қарашада «ЭКСПО-2017» халықаралық мамандандырылған көрмені өткізудің орны ретінде таңдалды. Астана өтініміне 103 ел қолдау көрсетті. Алдағы көрме елдің барлық өңірлері қатысатын ұлттық жоба болып табылады. Жоғарыда атап өткен аталмыш компанияның менеджері Перизат Мұсағалиева «Skyway» компаниясы «ЭКСПО - 2017» көрмесінің бейресми туроператоры болып табылады. Батыс Қазақстан бойынша көрмеге қатысушы адамдарды жинап, демалыстарын тиімді ұйымдастыру Перизат Мұсағалиеваның міндеті болмақ. Маманның айтуы бойынша күні бүгінге дейін көптеген аудандар мен ауылдарды аралап көрменің маңыздылығын түсіндіріп келген. Интерактивті тақта арқылы «ЭКСПО» көрмесінің аумағымен таныстырып, оның маңыздылығына тоқталып өтті.
18.03.2017
Қонақжай клубтың қонағы – Гүлдана Серікқызы

ХАЛЫҚАРАЛЫҚ ӘЙЕЛДЕР МЕРЕКЕСІ ҚАРСАҢЫНДА АУДАНДЫҚ ОРТАЛЫҚ КІТАПХАНАДА «СЫРЛАСАЙЫҚ, ЗАМАНДАС» ҚОНАҚЖАЙ КЛУБЫНЫҢ КЕЗЕКТІ КЕЗДЕСУІ ӨТТІ. АУДАНДЫҚ ОРТАЛЫҚ КІТАПХАНА ҰЖЫМЫ БҰЛ ЖОЛЫ КЛУБ ҚОНАҒЫ РЕТІНДЕ АУДАНЫМЫЗҒА БЕЛГІЛІ СУРЕТШІ ГҮЛДАНА СЕРІКҚЫЗЫН ТАҢДАПТЫ.
17.03.2017
Мемлекеттік қызметті сапалы әрі уақытылы көрсету — мемлекет талабы

Мемлекет басшысы Нұрсұлтан Назарбаев «Қазақстан — 2050» Стратегиясында, сонымен бірге Қазақстан халқына арналған жыл сайынғы Жолдауларында адамның барлық өмір тіршілігі кезеңдерін және барлық салаларды қамтитын мемлекеттік қызмет көрсетудің сапасын арттыруға ерекше көңіл аударады. Біздің елімізде және шетелде мемлекеттік қызметтер көрсету мемлекеттік қызметпен тығыз байланыста. Бұл кездейсоқ емес, себебі мемлекет қызметті мемлекеттік органдар, сонымен бірге жеке және заңды тұлғалар арқылы көрсетеді. Мемлекеттік көрсетілетін қызметтердің қажеттілігі жыл сайын артып келеді. Соның нәтижесінде оларды заңнамалық деңгейде реттеу қажеттілігі туындады. Мемлекеттік қызмет көрсетудің негізгі ұғымын, сонымен бірге қызмет алушының құқығын және қызмет алушының құқығы мен міндеттерін анықтайтын Қазақстан Республикасының «Мемлекеттік көрсетілетін қызметтер туралы» Заңында жеке тұлғаларға және үкіметтік емес ұйымдарға басқарушы шешімдерді қабылдау кезінде белсенді қатысуға мүмкіншілік беретін, мемлекеттік қызмет көрсету саласын жетілдіру мен дамытудағы қоғамның рөлін арттыратын жаңа әдістер енгізілді.
16.03.2017
ДӘУРЕНБЕК – «Жігіт сұлтаны»

8 наурыз – Халықаралық әйелдер мерекесі күні аудандық мәдениет үйінде «Жігіт сұлтаны - 2017» байқауы өтті. Аудандық байқауға сайдың тасындай іріктелген 7 жігіт қатысып, нәзік жандыларға шуақты мереке сыйлады. Аудандық мәдениет үйі ҚР Ұлттық Ұланының 25 жылдығы қарсаңында ел қорғаған ер азаматтарымызды, марғасқа арқасүйерлерімізді дәріптеуді жөн санаса керек.
16.03.2017
Жеткіншектер жиылған жиналыс

Әр халықтың бала тәрбиесіндегі өзіндік ерекшеліктері арқылы мәдени құндылықтары қалыптасады. Қазақ халқы ұл – баланы ертеңгі абыройлы әке, қадірлі отағасы, елді қорғайтын ер, батыр, ұлттың намысты азаматы ретінде тәрбиелеп өсірген. Ұл бала - қазақта шаңырақ иесі, ер - азамат – ата - ананың отын тұтатушы болып саналады. Қазіргі таңда жас жеткіншектердің арасында әртүрлі қылмыстық әрекеттерге бой ұрып, қателесетін жастар кездесіп қалып жатады. Оларды мектеп, колледж қабырғасында жүргенде сан түрлі шаралар ұйымдастыру арқылы жақсы мен жаманды айыра білуге үйрете білу керек. Жеткіншек жас – адам дамуындағы өте қиын кезеңдердің бірі. Дәл осы жеткіншек жаста тұлға болып қалыптасуға негіз болушы мінез - құлық құрылымы жүреді. Осы мақсатта аудандық мәдениет үйінде жастар ресурстық орталығының ұйымдастыруымен «Қылмыс және жеткіншек» атты ер балалар арасында аудандық жиналыс өткізілді. Жиналыстың кіріспесі ретінде «Ер бала тәрбиесі» тақырыбындағы бейнеролик көрсетілді.
15.03.2017
Халықаралық әйелдер мерекесіне арналған салтанатты жиын

Аудандық мәдениет үйінде Халықаралық әйелдер мерекесіне арналған салтанатты жиын өтті. Мерекелік шарада сөз бастаған аудан әкімі Мамырғали Аққағазов аналарды, әсем арулар мен қыз – келіншектерді, қарындастарды көктемнің шуақты мерекесімен құттықтады. – Қымбатты аналар мен апа –қарындастар! Жер дүниенің жаңаруымен оның сәні мен мәнін ашатын тамаша көктемнің мерекесінде Сіздерге және отбасыларыңызға мол береке, бақыт, мықты денсаулық тілеймін! Әрқашан жүздеріңізден мейірім шуағы кетпесін. Ана жүрегіндегі қуаныш пен шаттық толы болсын, - деді аудан басшысы. Бұдан кейін М. Досқұлұлы көп балалалы ана Есенбаева Алма Жаныбекқызына «Күміс» алқа табыстап, марапаттады. Сонымен қатар, ауданда әр салада елеулі еңбек етіп жүрген түрлі маман иелері аудан әкімінің алғыс хатымен марапатталды.
14.03.2017
Көрісу - жақсылықтың бастауы

Көктем айы басталысымен Батыс өңірі, оның ішінде байғаниндіктер де Наурыз мерекесін тойлауға дайындала бастайды. Жыл басын еліміздің, тіпті облысымыздың өзге өңірлері 22 наурызда атап өтуді құп көрер болса, қазақы қаймағы бұзылмаған Байғанин өңірі айдың 14-нші жұлдызы туысымен «Жыл құтты болсын!», «Жасың құтты болсын!» деп ақ тілегін ағытқан ауыл тұрғындары ерекше көңіл – күймен бірбірімен көрісе бастайды. Сол күні бәрі де таңмен таласа тұрып, үйді – үйді аралап, қол алысып көрісіп, игі тілек айтысады. Әр үйде наурыз көже асылып, дастархан жайылады. Бұл күні арнайылап қонақ шақырылмайды және дастархан жиылмайды дейді үлкендер. Қарттарға құрмет қай уақытта да ерекше ғой. Десе де, бұл күні үлкендердің үйіне арнайы барып, сәлем беріп, олардан бата алу ғанибет. Ал, балаларға тіптен қызық. Өйткені, ол күні олардың қолын тәттіден ешкім қақпайды. Сыйлық алып, сыйлық беріскен, наурыз көжеге тояттап, таң атысымен тек қана жақсы тілектер естіген адамның көңіл – күйі қайдан төмен болсын. Ал, көршілес Маңғыстау облысы Амал мерекесін тіпті ерек тойлайтыны белгілі.
13.03.2017
Сыбайлас жемқорлыққа қарсы мәдениетті қалыптастыру – баршамызға ортақ іс

Елбасымыздың бес институционалдық реформаны жүзеге асыруға бағытталған «100 нақты қадам» Ұлт жоспарының 13 қадамы сыбайлас жемқорлыққа қарсы күресті күшейту,жаңа заңнамалар әзірлей отырып, жемқорлық құқық бұзушылықтың жүйелі түрде алдын алу және сауықтыру үшін жүргізілетін іс - шараларға арналған. Осы қадамды жүзеге асыру мақсатында 2016 жылдың 01 қаңтарынан бастап күшіне енген «Сыбайлас жемқорлыққа қарсы іс - қимыл туралы» ҚР Заңы қабылданды. Бұл заң сыбайлас жемқорлықпен күрес жүргізетін уәкілетті органдарға ғана емес, сонымен қатар барлық заңды және жеке тұлғаларға, қоғамдық ұйымдарға да қатысты болып, қолданылу аясы кеңейді. Енді бұл Заң әрқайсымызды сыбайлас жемқорлық іс - әрекеттеріне қарсы жүйелі түрде шаралар жүргізуді міндеттейді. Соның бірі және өзектісі - сыбайлас жемқорлыққа қарсы мәдениетті қалыптастыру.
10.03.2017
АҚПАРАТТЫҚ ХАБАРЛАМА

БЖЗҚ-ның әрбір 4-шы салымшысы электрондық хабарлау тәсілін таңдады

Беттер