Жаңалықтар

21.11.2012
Жазушыға құрмет көрсетілді

Өткен аптада аудандық мәдениет үйінде жазушы, қаламгер, ауданымыздың Құрметті азаматы, «Қазақстан Республикасының еңбек сіңірген қайраткері» Қажығали Мұханбетқалиұлының 70 жасқа толуына орай «Қаламы қарымды жазушы» атты кездесу жиыны өткізілді.
Жиынды зейнеткер – ұстаз, жазушы, өлкетанушы, аудандық ардагерлер ұйымының төрағасы Ибраһим Ермекбаев ашып, жүргізіп отырды. Бұдан соң сөз алған аудармашы, жазушы Молдахмет Қаназов жазушы Қажығали Мұханбетқалиұлының шығармашылығы туралы баяндама жасады. Осыдан кейін Қазақстанның еңбек сіңірген мәдениет қайраткері, жазушы Мереке Құлкенов, облыстық «Ақтөбе» газетінің Бас редакторы, ақын Бауыржан Бабажанұлы, «Қазақстан – Ақтөбе» телекомпаниясының редакторы Жақсылық Айжанов жазушының әдебиеттегі алатын орны туралы толымды ойларын айтып, 70 жасымен құттықтады.
Сонымен қатар қадірлі ақсақалдарымыз Нұрдәулет Ермеков пен Қалдығұл Ашықбаев өздерінің жылы лебіздерін білдірді.
19.11.2012
Қаперде ұста және сабақ ал!

8 қараша – Бүкіләлемдік жол көлік оқиғасының құрбандары күніне орай кең көлемді республикалық акция аясында «Қаперде ұста және сабақ ал» ұранымен жол қозғалысы қауіпсіздігінің апталығы өтуде. Аудандық ІІБ жол полициясының ұйымдастыруымен 12-18 қараша аралығына жоспарланған шараның негізгі мақсаты – жол оқиғалары салдарынан адам өлімінің саны артып, жарақаттанушылардың көбейгендігіне көпшіліктің назарын аудартып, барлық жол қозғалысына қатысушыларға ережені сақтауын ескертіп, апаттың алдын алу. Апталықтың бірінші күнінде «Анығырақ көрін» акциясы ұйымдастырылып, үлкен адамдардың балаларға жарыққайтарғыш элементті киімдерді кигізу керектігі еске салынды. Сондай-ақ, жол қозғалысы жаяу жүргіншілер жолағындағы жеке қауіпсіздікке аталмыш жарыққайтарғыш құралдың маңыздылығы «Қамқор ана» конкурсы бойынша насихатталды. Ата-аналар балаларына жарыққайтарғыш элементтерімен әртүрлі етіп әдеміленген киімдерді конкурста көрсетті.
17.11.2012
Білімді ұрпақ – ұстаз мақтанышы

Бала жүрегінің бағбаны, өміріне жол сілтеуші - ұстаз. Ол әрбір бүлдіршіннің жүрегінің түкпіріне жол таба білетін шыншыл, әділ, мейірімді, жүрегі жұмсақ жан. Осындай ұстаздардың бірі - Сәду Маржангүл Көшкінбайқызы. Ол Қарауылкелді орта мектебінің бастауыш сынып мұғалімі. Маржангүл ұзақ жылдардан бері осы салада жұмыс жасап келеді. Алдына келген әр бүлдіршіннің жүрегіне ізгіліктің нұрлы сәулесін себе отырып, оқушыларының жетістіктеріне шын ықыласымен қуанып отырады.
17.11.2012
Қажығали – туған жеріне мақтаныш

Жерлес жазушы Қажығали Мұхамбетқалиевтің 70 жас мерейтойына орай аудандық орталықтандырылған кітапханасында «Туған жер мақтанышы» тақырыбында кеш өтті. Өмірі мен шығармасынан сыр шертілген кешке жазушы жайлы айтпаққа еңбек ардагері Алмас Дәрібаев, Шоқан Ермұханбетов сынды ағасы мен інісі және Ұрқия, Роза жеңгелері келді.
15.11.2012
Қалдайбек қасіретіне ескерткіш қойылды

Жұма күні киелі Жарқамыс өңірі тағы бір құнды ескерткішпен көркейді. Биыл халықты есеңгіретіп, тән мүгедектігімен тұралатып кеткен Қалдайбек қасіретіне 25 жыл. Осы датаға орай Жарқамыс ауылында ескерткіш ашылды.
Қалдайбек қасіретіне арналып қойылған ескерткіш – қолдан жасалған мүгедектікке шалдыққан елдің көз жасы, туған жерлерінен үдере көшкен халық, зардап шеккен топырақ, ауаның экологиялық ластануы. Елді қан қақсатып өткен полигон зардабы күні бүгінге дейін созылып келеді. «Мал шаруашылығын дамытады, шөп шығымын арттырады, малдың өсуіне оң ықпал етеді» деген желеуді алға тартып халықты алдаған дейді сынақ жүргізушілер сол кезде. Сайын даланы мекен етіп, малмен бірге өрген халқымыз бір жарылыстың өзі жүздеген жылдар бойына қасіреттеріне айналарын әрине, ол күндері білмегені анық. Бүгінде «Невада -Семей» халықаралық антиядролық қозғалысы Ақтөбе облыстық филиалының Жарқамыс селолық округі Қалдайбек елді мекеніндегі атом жарылысының болғанына 25 жыл толып отыр. Осыған орай ашылған ескерткіш – белгінің авторы жерлесіміз, ҚР суретшілер Одағы, Ақтөбе филиалының төрағасы Жәдігер Қылышбайұлы.
12.11.2012
Жоспар – телефондандырылмаған аймақты болдырмау

«Қазақтелеком» акционерлік қоғамы – Қазақстандағы телекоммуникациялық компания. 1996 жылғы желтоқсанда «Қазақтелеком» ААҚ болып құрылған. Акциялардың 50 пайызы мемлекетке тиесілі. Телефон станциялары мен кабельдік желілер инфрақұрылымын иеленеді. Қолданыстағы жабдықтарды цифрлық жабдықтарға ауыстыру жолымен байланыс жүйелерін жаңғырту, ұялы, жинақы және басқа байланыс түрлерін енгізу жұмыстары өрістетілген. Жол қатынасы қиын шалғайдағы және халық аз қоныстанған аудандарға байланыс қызметін көрсету үшін ДАМА ұлттық спутниктік байланыс желісі орнатылған. Барлық облыстардағы қазіргі заманғы қалааралық автоматтандырылған телефон станциялары халықаралық коммутация орталықтарына қосылды. Ел тұрғындарының бүкіл дүние жүзімен сандық телефон байланысы жолға қойылған.
Осылайша компания әлемдік деңгейде халықты телефон, ғаламтор, телевидение қызметтерімен қамтамасыз етіп отыр. Ал туған ел төсінде тұрғындардың заман көшінен кейін қалмай, олардың соңғы техникалық жабдықтармен, заманауи жетістіктермен қамтамасыз етілуін назарда ұстап отырған - Байғанин АТТ. Бүгін бізге осы аудандық телекоммуникация торабы директоры Еркін Ілиясов мырзамен торап тынысы және соңғы жаңалықтары жөнінде әңгімелесудің сәті түскен болатын.
09.11.2012
«Жарық» кеңес беру орталығы ауданда болды

Еліміздің кейбір өңірлерінде байқалған діни экстримистік сипаттағы оқиғалардан соң діни ахуалдың ушығуының алдын алып, оны тұрақтандыру мақсатында жер – жерлерде, әсіресе білім беру ұйымдарында жергілікті билік және дін қызметкерлерінің қатысуымен кездесулер өткізіле бастады.
07.11.2012
«Ең қиын тілді үйренуге қызығушылығым жоғары»

Әлеуметтік желіде алыс - жақын достармен хабар алмасып отырғанбыз. Газеттің «Агент арқылы» айдары бар екендігін білетін бір жас оқырманымыз Қытайда оқитын ауылдас туралы айтты. Жерлестердің жақсы жаңалықтарына елеңдеп, жетістіктеріне қуанып отыратын құлағы түрік тілшілерге де керегі сол болатын. Әлемтордан электронды мекен - жайын іздестіріп, байланыс орнаттық. Білім жолында Қытай асып оқып жатқан Гүлбану Қуанышқызымен таныстық. Алыстан хабар алғызған агент арқылы жүргізілген сұхбатты сол күйінде назарларыңызға ұсынуды жөн санадық.
02.11.2012
Құрбан айт қуанышпен қарсы алынды

Биылғы Құрбан айт мерекесі қасиетті жұма күнімен қатар келіп, үлкен қуанышпен қарсы алынды. Аудандық орталық мешітке жиналған көпшілік алдымен айт намазын оқыды. Содан соң Құрбан айт мерекесінің мән-жайы туралы айтылды. Аудан әкімі Мамырғали Аққағазов және аудан әкімінің орынбасары Шара Спанова қатысқан жиында шариғи шартқа сәйкес құрбандық шалынды. Сондай-ақ аудан мекемелері мен тұрғындары да құрбандықты мешітте шалуға ниет білдіріп, сауапты істі атқарды. Құрбандыққа шалынған мал еттерін Құранда Хаж сүресінің 28-аятында: «Сондай-ақ өздеріңе берілген малдардан белгілі күндерде Аллаһтың атын атап, Құрбан шалсын. Одан өздерің де жеңдер және жоқ - жітікке жеткізіңдер» деп айтылғанындай мүмкіндігі шектеулі жандар мен тұрмысы төмен отбасыларға таратылды.
01.11.2012
Байғанин дәрігері — самбодан әлем жүлдегері!

Сүйінші! Жерлесіміз Есентемір Елеусінұлы самбо күресінің әлемдік бәсекесінен жүлделі! 16-25 қазан аралығында 35 жастан асқан самбо күресі шеберлерінің кезекті ХІХ әлем чемпионаты жалауын көтеріп, бес құрлықтың балуандарын Африка төріне жинаған болатын. Байрақты бәсекеге қатысу үшін 32 елден 300-ге жуық спортшы Марокко корольдігінің Касабланка қаласында бас қосты. Халықаралық самбо күресі федерациясы (ФИАС) мен Марокко корольдігінің самбо және Таи джитсу федерацияларының ұйымдастыруымен өткен әлем чемпионатына аттанған аудандық орталық аурухананың дәрігері Есентемір Демегенов Африка төрінде атой салған қазақтардың қатарынан табылды. Қанжығасында аудан тарихында болмаған әлем чемпионатының жүлдесі бар самбошымен сұхбаттасып, мерейлі жеңісімен біз де құттықтаған болатынбыз.
19.10.2012
Елбасы Жолдауы – ел мүддесі

Елбасының биылғы халыққа арналған «Әлеуметтік – экономикалық жаңғырту –Қазақстанның дамуының басты бағыты» атты Жолдауының маңыздылығын түсіндіру мақсатында облыс әкімі жанындағы ақпараттық – насихаттық топтың мүшесі Ақтөбе облыстық мұрағаттар және құжаттама басқармасының бастығы Қанатбай Елеусіз аудандық әкімияттың мәжіліс залында аудан орталығындағы мекемелерінің қызметкерлерімен кездесті.
Кездесуді аудан әкімі Мамырғали Аққағазов ашты.
18.10.2012
«Ұлттық дәстүр ұлағаты»

Өткен жұмада аудан орталығында ұлт аспаптары ансамбльдері бас қосты. Бұл өлкемізде ата - бабалар аманатындай болған дәстүрлі әндерімізді насихаттауда жас ұрпақты ұлттық құндылыққа тәрбиелеу, халқымыздың көне, фольклорлық аспаптарын меңгерудегі кәсіби шеберлерінің өсуіне ықпал жасау мақсатында өткізілген I Байғанин өнер мерекесі болатын. «Ұлттық дәстүр ұлағаты» деп аталған фестивальға біздің аудан, көршілес Ойыл, Темір, Мұғалжар аудандары мен Атырау облысы, Қызылқоға ауданының фольклорлық ансамбльдері жүлдеге үміткерлер қатарын толықтырды. Қонақтарды алдымен аудан әкімі Мамырғали Досқұлұлы қабылдап, өнер қызметкерлеріне қасиетті өлкеге қош келгендерін айтып, сәттілік тіледі. Қонақтар аудандық орталықтандырылған кітапхана мен музейде болды. Одан кейін өнер мерекесінің бағдарламасы бойынша аудандық мәдениет үйінде бәсекеге дайындықтарын бастап кетті.
03.10.2012
Ана тілім төгілер ән – жыр болып

Аудандық мәдениет үйінде 22 қыркүйек Қазақстан халықтарының тілдер мерекесі күніне арналған «Ана тілім төгілер ән-жыр болып» атты мерекелік концерт өткізілді. Алғаш сөз алған аудан әкімі Мамырғали Аққағазов барша тіл жанашырларды айтулы мерекелерімен құттықтап, «Мемлекеттік тіл – ұлт тірегі» фестивалі және «Өз тіліңді құрметте» атты республикалық акция аясында өткізілген шараларға белсене қатысқан аудандық мәдениет үйіне, аудандық орталықтандырылған кітапхана жүйесіне, аудандық мәдениет және тілдерді дамыту бөліміне және Халықаралық «Қазақ тілі» қоғамының Байғанин аудандық ұйымына «Алғыс» хаттар табыс етті.
14.09.2012
Мықты, ақылды, әдемі болғың келсе – жүгір!

Мықты, ақылды, әдемі болғың келсе – жүгір!
Алдыңғы аптаның сенбі күні аудан халқы бүкілхалықтық жүгіруге шықты. Биыл «Мен, сен және ол, біз салауатты ел» атымен өткен денсаулық фестиваліне қатысқан желаяқтар қарасы көп болды. Аудандық білім, дене шынықтыру және спорт бөлімі және аудандық СӨС кабинетінің ұйымдастыруымен өткен шара мәдениет үйінің алдын думанға айналдырды.
07.09.2012
«Жұмыспен қамту - 2020» бағдарламасы ел игілігіне айналуда

Бүгінде «екі қолға бір күрек» іздегендердің кәсіптік оқыту арқылы оларды жұмысқа орналастыру мақсатында елімізде «Жұмыспен қамту-2020» бағдарламасы жүзеге асырылуда. Аталмыш бұл бағдарламаның негізгі мақсаты – тұрақты және нәтижелі жұмыспен қамтуға жәрдемдесу арқылы халықтың табыс деңгейін арттыру болып табылады. Бағдарлама аясында сұранасқа ие мамандықтарға қайта оқытуға мүмкіндік бар. Бұл бағдарлама аудан орталығында жылма-жыл өз жалғасын табуда. Аталмыш бағдарлама арқылы пайдалы кәсіп көзін тауып оны әрі дамытамын деушілердің қатары көбеюде. Аудан бойынша «Жұмыспен қамту-2020» бағдарламасының жай-жапсары жөнінде Байғанин аудандық жұмыспен қамту орталығының директоры Нұрғизат Есқалиевтен білген едік.

Беттер