Жаңалықтар

27.01.2017
Кәсіпкерлермен өткен жиын

Өткен жұма күні кәсіпкерлер палатасының Байғанин ауданының филиалында кәсіпкерлермен кездесу жиыны өтті. Жиын ҚР салық және бюджетке төленетін басқа да міндетті төлемдер турасында болды. Жиынға ұлттық кәсіпкерлер палатасының аудандық филиалының директоры М. Тасин, аудандық кірістер басқармасының басшысы Ж. Қойшыбаев, аудандық ауылшаруашылық және кәсіпкерлік бөлім басшысының орынбасары Ш. Ермұханбетов және бірқатар кәсіпкерлер, жеке қожалық иелері қатысты.
26.01.2017
Шет елде оқып жүрген жастармен кездесу өтті

Өткен сейсенбіде аудандық орталықтандырылған кітапханада «Туған өлке ұландары, Тәуелсіздік қырандары» тақырыбында әлемнің түкпір-түкпірінде оқып білім алып жүрген, студент жерлестерімізбен бас қосу өткен болатын. Жиынға мектеп оқушылары мен қоса аталған кітапхана ұжымы да қатысты. Мектеп қабырғасынан шыға сала, шетелде білім алғысы келетін жастардың қатары қазіргі заманда көбейді. Сондай жастардың қатары ауданымыздан да шығып жатқаны қуантарлық жаңалық. Оқушылармен кездесуге келген жастардың қатарында Айгерім Жаңбырбаева мен Лалагүл Базарбаева болды.
26.01.2017
Жасалған жұмыстар жеткілікті. Жасалатындар да жетіп артылады

ОСЫ АПТАДА ҚАРАУЫЛКЕЛДІ АУЫЛЫНЫҢ ӘКІМІ ЕРНАЗАР ҚАЛИЕВ АУЫЛ ТҰРҒЫНДАРЫ АЛДЫНДА ЕСЕП БЕРДІ. ЕСЕПТІК ЖИЫНҒА АУДАН ӘКІМІ МАМЫРҒАЛИ АҚҚАҒАЗОВ, ОБЛЫСТЫҚ ТАБИҒИ РЕСУРСТАР ЖӘНЕ ТАБИҒАТТЫ ПАЙДАЛАНУДЫ РЕТТЕУ БАСҚАРМАСЫ БАСШЫСЫНЫҢ ОРЫНБАСАРЫ АСХАТ КӨБЕНОВ ЖӘНЕ БІРҚАТАР БӨЛІМ, МЕКЕМЕ БАСШЫЛАРЫ ҚАТЫСТЫ. НЕГІЗГІ МӘСЕЛЕ ӨТКЕН ЖЫЛЫ АТҚАРЫЛҒАН ІСТЕР МЕН ОСЫ ЖЫЛДА ЖАСАЛАТЫН ЖҰМЫСТАР ЖАЙЫНДА БОЛДЫ.
26.01.2017
Құрметті аудан тұрғындары!

Байғанин ауданының әкімі М.Аққағазовтың «Байғанин ауданының 2016 жылдағы әлеуметтік–экономикалық дамуының қорытындылары және 2017 жылға арналған міндеттері туралы» халық алдындағы есепті қорытынды жиналысы аудандық мәдениет үйінде 2017 жылдың 1 ақпаны сағат 11:00-де өтеді. Кездесуге байланысты аудан аумағындағы бірнеше жерлерге қойылған арнайы жәшіктерге өздеріңіздің ұсыныс-пікірлеріңіз бен өтініш-тілектеріңізді білдіруге және қоғамдық-саяси мәні бар кездесу жиынына қатысуға шақырамын.
25.01.2017
Қоғамдық қабылдау

21 қаңтарда аудандық «Нұр Отан» партиясы филиалында қоғамдық қабылдау өтті. Қабылдауда мекеме басшыларымен бірге «Нұр Отан» партиясының төрағасының бірінші орынбасары А. Сәрсен мырза да қатысты. Қабылдауға келген төрт тұрғынның үшеуі арнайы дипломмен жұмыс сұрап келсе,біреуі қоғамдық жұмысқа алынуын талап етті. Түрлі мәселелерімен келген азаматтардың сұрақтарына тиісті жауаптар берілді. Қоғамдық қабылдауға қатысқан азаматтарға жұмысқа орналасудың заңдылықтары мен негізгі ережелері түсіндіріліп, аталған сұрақтардың шешімін табу үшін құзырлы органдарға және қандай құжаттармен жүгінуге болатыны жөнінде ақыл кеңес берілді.
24.01.2017
Кәсіпкерлікті өркендету күн тәртібінен түспейді

Елбасы нарықтық экономиканың арқауы саналатын шағын және орта бизнесті дамытуға әркез айырықша маңыз беріп келеді. Осы орайда біздің ауданда да кәсіпкерлікті өркендету – күн тәртібіндегі өзекті мәселе саналады. Өткен аптада кәсіпкерлік палатаның аудандық филиалының ұйымдастыруымен ауыл кәсіпкерлерінің басын қосқан жиын өтті. Кәсіпкерлік саласындағы биылғы өзгешеліктер мен ерекшеліктерді түсіндіруді мақсат тұтқан жиында аудандық филиал директоры Мұрат Тасин басқосудың басты мақсатын түсіндіріп, ауыл бизнесін дамыту үшін қандай шараларды қолға алу керектігіне тоқталды. Басты мақсат кәсіпкерлікті өркендетуге қолайлы ахуал қалыптастыру екені белгілі. Осыған орай, аудандық ауылшаруашылығы және кәсіпкерлік бөлімінің басшысы Жаңабай Ержанов мемлекеттік бағдарламалар бойынша облыс үлесіндегі қаржының аудандарға тиесілі тұсын айта келіп, кәсіптің әсіресе қызмет көрсету түрлеріне басымдық берілетінін айтып өтті. Сондай-ақ, ауылшаруашылығы бойынша биылғы жылдың ерекшеліктеріне тоқталды. Аудандық мемлекеттік кірістер басқармасының басшысы Жандәурен Қойшыбаев та салық саласындағы жаңалықтармен таныстырып, кәсіпкерлерді құлақтандырды.
24.01.2017
2017 жылғы 1 қаңтардағы зейнетақы жинақтарының жай-күйі туралы хабарлау

«БЖЗҚ» АҚ 2016 жыл үшін салымшыларға (алушыларға) жыл сайынғы міндетті хабарлау науқанына дайындықты бастады. Жеке зейнетақы шотының (ЖЗШ) жай-күйі туралы ақпарат ақысыз негізде берілетінін, ал ақпарат алу тәсілін салымшының (алушының) өзі белгілейтінін естеріңізге сала кетейік.
23.01.2017
Жемқорлыққа жол бермеу

Өткен аптада «Нұр Отан» партиясының аудандық филиалы ғимаратында Байғанин ауданының төтенше жағдайлар бөлімі бастығының м.у.а азаматтық қорғау подполковнигі А. Караковтың төрағалығымен «Сыбайлас жемқорлыққа қарсы мәдениетті қалыптастыру – сыбайлас жемқорлыққа қарсы іс – қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту» тақырыбында дөңгелек үстел өтті. Отырысқа «Нұр Отан» партиясының аудандық филиалының кеңесшісі Н. Ералин, аудан прокуроры А. Әбіләкім, аудандық сыбайлас жемқорлыққа қарсы күрес комиссиясының төрайымы Г. Елеуова және аудандық төтенше жағдайлар және №8 Өрт сөндіру бөлімдерінің қызметкерлері қатысты. Дөңгелек үстел барысында сыбайлас жемқорлыққа қарсы күрес заңының баптарымен таныстырылып, сыбайлас жемқорлыққа қарсы мәдениетті қалыптастыру – сыбайлас жемқорлыққа қарсы іс – қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі туралы баяндама оқылды. Күн тәртібінде қаралған мәселе бойынша сұрақтар қойылып, жауапты мамандар тиісті жауаптарын қайтарды.
23.01.2017
Әкім жастармен кездесті

Аудандық мәдениет үйінде жастар ресурстық орталығының ұйымдастыруымен «Сенде бір кірпіш дүниеге...» атты аудан әкімі М. Аққағазовтың қатысуымен жоғары сынып оқушыларымен кездесу өтті. Жастар ресурстық орталықтың басшысы С. Базаралықызы өткен жылда жастармен атқарылған жұмыс жөнінде баяндап өтті. Аудан әкімі аудандағы жастардың қоғамдық жұмыстар мен өнер, спорт саласын дағы белсенділік пен алға қойған мақсаттарының жоғары деңгейде екенін сөз етті. Аудан халқының 28 пайызын жастар құрайды. Аудандық жұмыспен қамту және әлеуметтік бағдарламалар бөлімінің басшысы Ә. Жеткізгенов жастардың алдында сөз сөйлеп, ауданға жетіспей тұрған мамандықтар жөнінде қысқаша шолу жасады. Алдағы уақытта осы олқылықтардың алдын алу үшін жетіспес мамандықтарды жүйелі оқып, жақсы маман болып қалыптасып шығуларына ниет танытты. Аудан әкімі М. Досқұлұлы қазіргі таңда Корей мемлекетінде оқып жатқан ауылымыздың түлегі Н. Алтыбайды жастарымызға үлгі етіп көрсетті.
23.01.2017
Тұрғылықты жері бойынша уақытша тіркелу енді eGov.kz арқылы онлайн түрде қолжетімді

Бүгінгі күні Қазақстанның электрондық үкіметі порталында eGov.kz азаматтардың тұрғылықты жері бойынша уақытша тіркелу қызметі қолжетімді болды.Ол қызметті пайдалану үшін, тұрғын үй иесі мен онда тіркелу ниетін білдірген азаматта электрондық цифрлық қолтаңба (ЭЦҚ) болуы және порталда авторизациядан өтуі қажет. Қызметтің өзі «Азаматтық, миграция және иммиграция» бөлімінде, «Халықты тіркеу және тіркеу есебінен алып тастау» қосымша парағында қолжетімді.«Онлайн қызметіне тапсырыс беру» түймешігін басқаннан кейін, өтініш беруші ұсынылған нысанды толтырады, онда тіркелуге ниетті тұрғын үйдің меншік иесі болып табылатынын/табылмайтынын көрсетуі тиіс. Егер де өтініш беруші – жылжымайтын мүлік иесі болса, ол мекенжайды, тіркелу мерзімін (1 айдан 12 айға дейін) көрсетуі тиіс, сонан соң онлайн түрде көрсетілген қызмет үшін мемлекеттік бажды төлеп және ЭЦҚ өтінімге қол қоюы тиіс. Тұрғын үйдің меншік иесі үшінші тарап болған жағдайда, өтініш беруші меншік иесінің ЖСН-ын, жылжымайтын мүліктің мекенжайын, уақытша тіркелудің мерзімін көрсетуі және меншік иесінің жеке кабинетіне келіп түсетін сұрау салуды жіберуі қажет.
23.01.2017
БЖЗҚ туралы 5 сауал

Газеттердің редакциларына, www.enpf.kz сайтына, әлеуметтік желілердегі БЖЗҚ парақшаларына, Қордың байланыс орталығына зейнетақы жинақтары мен жалпы зейнетақы жүйесі туралы көбірек білгісі келетіндерден сауалдар келіп түседі. Олардың ішіндегі ең көп қойылатын сауалдарға жауапты «БЖЗҚ туралы 5 сауал» айдарынан оқи аласыздар.
20.01.2017
Енді бала тууына байланысты жәрдемақыны тұрғылықты жеріне байланыстырмай-ақ рәсімдеуге болады

Азаматтарға арналған үкімет қазақстандықтардың уақытын үнемдейтін кезекті пилоттық жобаны іске қосты. Бүгіннен бастап, жас аналар бала тууына байланысты және оның бір жасқа дейінгі күтіміне жәрдемақыны бір облыс ішінде тіркеуіне қарамастан ресімдеуіне болады.
Естеріңізге түсіре кетсек, өткен жылдың қыркүйек айынан бастап «Азаматтарға арналған үкімет» мемлекеттік корпорациясы пилоттық жобаны іске қосқан болатын, оның шеңберінде корпорация қызметкерлері перзентхана ғимараттарында бірден 4 бірдей қызмет көрсетуге өтініш қабылдай алатын. Бұл қызметтер: бала тууын тіркеу, бала тууына және оны бір жасқа дейін күтуге жәрдемақы тағайындау, әлеуметтік тәуекелдер жағдайына әлеуметтік төлемдер тағайындау: бір жасқа толғанға дейінгі уақытта бала күтіміне байланысты кірісінен айырылу, балаларды мектепке дейінгі мекемелерге кезекке қою. Бүгінгі күнде бұл жобаға ҚР бойынша 206 перзентхана мен перинаталдық орталықтар жұмылдырылған.
20.01.2017
АҚПАРАТТЫҚ КЕҢЕСТЕ ҮШ МӘСЕЛЕ ҚАРАЛДЫ

Өткен жұма күні аудан әкімшілігінде ақпараттық қоғамдық тыңдау өтті. Қоғамдық тыңдауда үш мәселе қаралды. Оған аудан әкімі М. Аққағазов, ауылдық округ әкімдері, мекеме, бөлім басшылары қатысты. Жиынның бірінші мәселесі бойынша аудандық жергілікті полиция қызметінің басшысы М. Ахметов 2016 жылы атқарылған істері туралы баяндама оқыды. Ол өткен жылы аудан аумағында 153 қылмыстық іс тіркеліп, 17 қылмысқа өскендігін баяндады. Оның ішінде екі ауыр дәрежедегі қылмыс, мал, пәтер ұрлықтары, кәмелеттік жасқа толмағандар қылмысы, қоғамдық жерлерде тәртіп бұзғандар, аңшылық ережелерді сақтамағандар, мас күйінде көлік басқарғандар, жол – көлік оқиғалары бойынша түскен арыз – шағымдар тексеріліп, тиісті шаралар қолданғандығын атап көрсетті. Сондай –ақ, бүгінгі таңда аудан бойынша өрістегі мал ұрлығы өршіп тұрғандығын жеткізді. Аудан басшысы М. Аққағазов селолық округ әкімдеріне мал ұрлығына бой алдырмауға және ит аулау мәселесін қадағалауға қатаң тәртіп берді.
19.01.2017
«Сенде бір кірпіш дүниеге...»

Жастар ресурстық орталығының ұйымдастыруымен 19-ақпан күні аудандық мәдениет үйінде 9-11 сынып оқушыларына кəсіптік бағыт-бағдар беру мақсатында "Сенде бір кірпіш дүниеге..." атты түлектермен кездесу кеші болып өтті. Кездесуге аудан əкімі М.Д.Аққағазов, аудан əкімінің орынбасары Шара Қуанышқызы, аудандық білім бөлімінің басшысы С.Доскулов, жұмыспен қамту жəне əлеуметтік бағдарламалар бөлімінің басшысы Əсет Тілеуқабақұлы, Байғанин техникалық колледжінің директоры Бөрібай Төлеуішұлы, Қарауылкелді ауылдық округінің əкімі Ерназар Əнгерейұлы, аудандық прокуратура қызметкері Ермағамбетов Ғалымжан ағай, ішкі саясат бөлімінің бас маманы Қ.Аққожа, ҰБТ орталығының № 101 филиал жетекшісі Д. Толжанова қатысты. Түлектерге биылғы жылғы ҰБТ өзгерістері, ауданға керекті мамандықтар, білім деңгейі жайында ақпарат берілді. Аудан əкімі М.Д.Аққағазовқа оқушылар сұрақтары мен ұсыныстарын жеткізіп, толыққанды жауап алды. Кездесуде "Дипломмен ауылға" бағдарламасымен келген Ащы ауылдық округінің Сағыз орта мектебінің жас маманы Қыдырбайқызы Ақзира жəне жас дəрігер Баян Сарина түлектерге мамандық таңдауда жауапкершілікпен қарау керектігін айтты. Сонымен қатар биылғы жылғы бітіретін студенттер атынан АРГУ студенті Нұрбаева Арайлым, оқушылар атынан №3 Қарауылкелді орта мектебінің 11- сынып оқушысы Аманғалиева Меруерт өз тілектерін білдірді.
17.01.2017
Пресс-релиз

Ақтөбе облысының ТЖД бастығының орынбасары азаматтық қорғау полковнигі Е. Өтегеновпен бекітілген 1-31 қаңтар аралығында «Қауіпсіз көлік» акциясы іс-шаралар жоспарын орындау мақсатында, ағымдағы жылдың 14-қаңтар күні Байғанин ауданының ТЖБ аға инженері азаматтық қорғау лейтенанты Н.Қарабалин мен ТЖБ аға инженері азаматтық қорғау лейтенанты Н.Алмағанбетов төтенше жағдайлардың алдын алу және автокөліктердегі өрт қауіпсіздігін сақтау мақсатында аудан орталығында орналасқан жанар-жағармай құю бекеттерінде, атап айтқанда, «Қазмұнайгаз», «Қартжан» жанар-жағармай құю бекеттерінде және «ВестОйл» газ құю бекетінде автокөліктердің жанармай және газбен толтырылуы кезінде автокөліктердегі өрт қауіпсіздігі шаралары жөнінде нұсқамалар жүргізіп, жалпы саны 72 көлік жүргізушісіне, 6 қызметкерге жадынамалар таратылды.

Беттер